Mugallymlar jemgyýetiň ösüşiniň hem-de abadançylygynyň binýadyny gurýan şahslar bolup durýarlar. Olar ýaş nesillere diňe bir bilim bermek bilen çäklenmän, olaryň dünýägaraýşyny giňeldip, medeni we ahlak gymmatlyklaryny ösdürmäge kömek edýärler.
Mugallymçylyk diňe bir sapak bermek däl-de, ynsan duýgularyny hem-de aýratynlyklaryny düşündirmekde we kabul etmekde sungatdyr. Her bir okuwça laýyk öwrediş usulyny saýlamak, olaryň zehinini ýüze çykarmak mugallymlaryň aýratyn ukybyny talap edýär. Mugallymlar ýaş nesliň bilimli we ukyply bolmagyny üpjün edip, olaryň geljekdäki üstünlikleriniň esasy pursatlaryny döretýärler. Olar ýaşlara öz potensialyna ynanmagy hem-de durmuşda kynçylyklary ýeňip geçmegi öwredýärler.
Bilim ulgamy döwrebap tehnologiýalar we täze usullar bilen baýlaşýar. Mugallymlar täze innowasiýalary kabul edip, sapaklary has täsirli we öwrediji usullara öwürýärler. Bu bolsa okuwçylaryň bilim almak prosesini ýeňilleşdirýär.
Mugallymçylyk sabyr-takat we çydamlylyk talap edýär. Okuwçylaryň aýratynlyklaryny göz öňünde tutmak, olaryň isleglerini doly düşünmek mugallymlaryň öňünde duran möhüm wezipe bolup durýar. Mugallymlar jemgyýetiň iň hormatly şahslarynyň biri hasaplanylýar. Olar diňe bir bilim bermek bilen çäklenmän, nesilleriň terbiýesine we durmuş ýoluna ep-esli täsir edýärler.
Bägül KAKAJANOWA
Daşoguz welaýatynyň Beki Seýtäkow adyndaky mugallymçylyk
mekdebiniň talyby
