MEKSIKA – 25 ýaşly ynsanperwer we meýletinçi Fatima Bosch Taýlandda geçirilen «Miss Universe – 2025» gözellik bäsleşiginde ýeňiji boldy.
Bosch bäsleşigiň öňünden geçirilen duşuşykda Taýlandly direktor tarapyndan açyk tankyt edilenden soň muşdaklaryň iň halanýan dalaşgäri boldy. Bu ýagdaý birnäçe dalaşgäriň zaldan çykmagyna sebäp boldy. Şol wakadan soň hem Bosch ähli tapgyrlary üstünlikli geçip, geçen ýylyň ýeňijisi Daniýadan Wiktoria Kjær Theilvig tarapyndan täçlendirildi.
Ikinji orny Taýlanddan Praveenar Singh eýeledi. Ilkinji bäşlige Wenesueladan Stefany Abasali, Filippinlerden Ahtisa Manalo we Kot-d’Iwuardan Olivia Yacé girdi.
«Miss Universe» gözellik bäsleşigi dünýäde «Super Bowl» ady bilen tanalýar we her ýyl millionlarça tomaşaçyny özüne çekýär. Bu ýyl 120 ýurtdan dalaşgärler gatnaşdy. Ilkinji gezek Palestina halkynyň wekili Nadeen Ayoub gatnaşyp, ilkinji 30-luga girdi.
Final amerikan komedianty Stiw Birn tarapyndan alyp baryldy, sahnany bolsa Taýlandly aýdymçy Jeff Satur açdy.
