Emosiýalar hemişe işlenilmeýär, sebäbi olar agdyklyk edenlerinde işiň gurnalmagyna päsgel berip, ýä-da olaryň daşky ýüze çykmasy adamy oňaýsyz ýagdaýa salyp biler. Mysal üçin: onuň beýleki adama bolan duýgularyny ýüze çykarsa. Başga bir tarapdan, emosional göteriliş, oňat keýp adamyň haýsydyr bir işi, aragatnaşygy amala aşyrmagyna ýardam berýär.
Kiçi çaganyňemosional ýagdaýyny sazlamagyň zerurlygy baradaW. M. Behterew ýazyp, ol oňaýly (položitel) emosiýalaryň başdan geçirilmegi çaganyň kadaly ösüşine, şol sanda intellektual ösüşine-de ýardam edýär diýip belleýär.”Razy we şadyýan çaga oňat iýmitlenýär we aşgazana gelýän zatlary gowy özleşdirýär, ol has çus, güýçli we zähmete ukyply, oýunlara gowy üns berýär we ähli meselelerden aňsat baş çykarýar.”
W. M. Behterew çagada oňaýly emosiýalary döretmek üçin oňa dogry seretmegiň ornuny belleýär. “Bir gowy zat –tebigaty boýunça dogry ösýän çaga begençli emosional ymtylyşa eýe bolýar. Emýän çaga oňat ene süýdüniň berilmegi, eşikleriniň gurulygy, endamynyň arassa saklanmagy emýän çaganyň şadyýan ýagdaýa eýe bolmagy üçin ýeterlikdir.
Çaganyň soňraky ösüşinde ony islendik öýunjak, duýdansyz uçup giden kebelek ýa-da islendik özünde ýakymsyz täsir saklamaýan zat şatlandyrýar.
Ahyrynda hem, şadyýan çuslandyrýan emosiýanyň çeşmesi bolup, çaga elýeterli bolan işler hyzmat edýär. Ol işler ony gyzyklandyrýar. Eje ýa-daterbiýeçi bu gyzyklanmasynygoldamasa, aýyp bolar”.
Maral ATAÝEWA
Döwletmämmet Azady adyndaky
Türkmen milli dünýä dilleri
institutynyň talyby
