T.Draýzeriň «Jenni Gerhardt» (1911) atly romanynda hem ýö-nekeý bir amerikan gyzynyň ykbaly beýan edilýär. Garyp maşgaladan bolan Jenni atly gyz Lester Keýn atly bir baý adam bilen söýüşýär. Ýöne Jenni özüniň garyplygy zerarly Lester Keýne durmuşa çykyp bilenok, çünki baý gatlaklaryň garaýşyna görä, olar «deň» däl. Şon-da-da, bu pelsepäni inkär edip, Lester Keýn Jennä öýlenýär. Onuň bilen on ýyl ýaşap, ýene-de ondan aýrylyşýar, çünki ol baý hanym Jeralda öýlenýär. Muňa garamazdan Lester Keýn ölmeziniň öň ýa-nynda özüniň diňe Jenni bilen bagtly bolandygyny, baýlygyň ony bagt ly etmändigini nygtaýar. Ýazyjy bu romanynda adamyň bagtly bolmagyna maddy kynçylyklaryň edýän täsirini görkezýär.
T.Draýzeriň «Isleg trilogiýasyna» girýän «Maliýeçi» (1912), «Titan» (1913) atly romanlarynda Kauperwud atly adamyň tüç jar baý bolşy we onuň geçen durmuş ýoly görkezilýär. «Maliýeçi» romanynda Kauperwudyň ýaşlyk döwri suratlandyrylýar. Kauperwud öz puluny hiç wagt girew goý-maýar. Ol başga adamlaryň puluny ulanyp baýaýar. Ol şäher býujetine girýän pullary bikanunlyk bilen öz bähbidine ulanýar we ummasyz köp pul gazanýar. Soňra ol tötän-den türmä düşýär, ýöne ol türmede oturan ýerinden hem başga adamlaryň üsti bilen birža söwdasyny alyp barýar…
«Maliýeçi» romanynda Kauperwud entek diňe işewürligi öw-renýär. Emma «Titan» romanynda ýazyjy Kauperwudy eýýäm azy ýaran işewür, baý adam hökmünde suratlandyrýar. Ýazyjy bu trilo-giýanyň soňky «Stoik» atly romanyny köp ýyl geçensoň ýazýar.
Muhammetemin AKMYRADOW
Döwletmämmet Azady adyndaky
Türkmen milli dünýä dilleri institutynyň talyby
