Aşgabatda 4-nji dekabrda Türkiýäniň eksport harytlarynyň 11-nji sergisi açyldy. Dostlukly ýurduň 70-den gowrak kompaniýasy we birleşigi çärä gatnaşýar.
Sergide sarp ediş harytlary, gurluşyk materiallary, dokma önümleri, elektronika, maşyn gurluşyk önümleri ýaly giň gerimli önümler görkezilýär. Sergi, şeýle hem, gurluşyk tehnologiýalary, gaýtadan dikeldilýän energiýa çeşmeleri, lukmançylyk we transport ugurlaryndaky iň täze işläp düzmeleri hödürleýär.
Açylyş dabarasynda Türkiýäniň söwda ministri Ömer Bolat çykyş etdi. Ol söwda-ykdysady hyzmatdaşlygy ösdürmek we iki döwletiň arasyndaky gatnaşyklary pugtalandyrmak üçin şeýle çäreleriň ähmiýetini belledi. Resminiň pikiriçe, sergi işewür aragatnaşyklary ýola goýmak, tejribe alyşmak we türk harytlarynyň Türkmenistanda bazardaky ornuny giňeltmek üçin mümkinçilik döreder.
