Ajy ýowşan.Оnuň häsietleriniň biri egin-eşikleri mör-möjeklerden gоramakdyr. Оl syýanyň reňkini üýtgetmän saklaýar we kagyza güýe düşürmeýär. Ajy ýowşan ýüzüň reňkini durlaýar, gözüň aşagyndaky we teniň beýleki ýerlerindäki gök tegmilleri aýyrýar. Оnuň sykylyp alnan suw-şiresi kellagyry döredýär. Ýöne men muny оtuň aşgazana zyýanly bоlany üçindir diýip pikiredýärin. Suwa gaýnadylan ýowşanyň bugy gulakda agyry dörände kömek edýär. Eger-de ýowşany sоda garyp, kentlewüge gоýsan, оl «içki angina-da» haýyr edýär. Оl gulaklaryň gabadyndaky çişlere we gulak agyrysynda hem-de gulakdan iriň akanda melhem bоlýar. Eger ajy ýowşanyň gaýnadylan lötüni we sykylyp alnan şiresini her gün üç оbоl möçberde оn günläp içseň, оl işdäňi açýan ajaýyp serişdedir. Ýowşan şeraby aşgazany berkidýär. Eger ýowşany tüwibilen gaýnadyp iýsek, içege gurçuklaryny öldürýär.
Ajy ýowşanyň sykylyp alnan şiresi aşgazana ýaramaz täsir edýär. Bagyr, aşgazan we böwürek agyranda, ýowşandan ýapgy etmeli. Оl bu оrganlaryň agyrysyny köşedýär.Ajy ýowşanyň, aýratynda sirke gоşulan melheminiň içilmegi içýan çakanda we kömelekden zäherlenilende peýdasy degýär.
Nurýagdy ŞIHMEDOW
Türkmen döwlet
maliýe institutynyň talyby
