2024-nji ýylyň “Pähim paýhas ummany – Magtymguly Pyragy ” ýyly diýip atlandyrylmagynyň aýratyn ähmiýeti bardyr. Çünki türkmen halky taryhda yz goýan gerçeklerini, şahsyýetlerini, akyldarlaryny hemişe hormatlap gelen halk. Bu däbi Gahryman Arkadagymyz , Arkadagly Gahryman Serdarymyz hem mynasyp dowam etdirip gelýär. Şu günler Hormatly Prezidentimiziň baştutanlygynda türkmen halky jebisleşip, akyldar şahyrymyz Magtymguly Pyragynyň 300 ýyllyk toýuna uly taýýarlyk bilen barýar.
3 asyrlap dünýäniň üns merkezinde saklanyp gelýän Pyragynyň eserleri nesil terbiýesinde , ylaýta-da, ynsan edebini gözelleşdirmekde uly ähmiýete eýedir. Watansöýüjilik, ula hormat, dogry sözlülik, zähmetsöýerlik, ýagşylyga çagyrmak, ýamandan gaça durmak, ogrulygy hem-de ýalançylygy ýazgarmak ýaly meseleler Pyragynyň goşgularynyň içinden eriş-argaç bolup geçýär:
Yzzat, hormat, syn etmegin
Görüm görülmegen ýerde.
ýa-da
Ýagşylykda ile özün tanadan
Alkyş alyp derejesi zor bolar.
Elbetde, şeýle setirler akyldaryň goşgularynda sanardan kändir. Şahyryň men-menligiň, tekepbirligiň juda ýaramaz häsiýetdigini, adamyň mertebesini çakdanaşa kiçeltýändigini düşündirýän ençeme setirleri bardyr:
Tereň derýa, haýbatyňa guwanma,
Wagtyň ýetse, guryp, ýer dek bolar sen.
Pyragynyň eserleri bu gün bütin Ýer Şaryna guşak edilip guşalýar. çünki, Akyldaryň her bir ýüzlenen temasy diňe bir halkyň ýa-da milletiň meselesi däldir. Ol bütin adamzat meselesini orta atandyr. şonuň üçinem Magtymgula umumadamzat şahyry diýilýär.
Kakageldi KAKAGELDIÝEW
Türkmen döwlet
binagärlik – gurluşyk
institutynyň talyby
