Bronhografiýa – Dem alyş turbajyklaryna kontrast goýbe-rip, olaryň suratyny almak. Bu usul arkaly ululy-kiçili dem alyş ýodajyklaryň anatomiýasy öwrenilýär. Olaryň howa geçiriş ukyby takyklanylýar. Bu usuly ýokarky dem alyş ýollaryny anesteziýa edilen-den soň, kontrast maddalary, ýagny lipoidol, ýodalipol sulfademeziniň külkesi bilen gatyşdyryp goýberilýär. Anesteziýa bolsa, 1%-li dikaini bokurdaga pürkmek arkaly amala aşyrylýar. Birtaraplaýyn bronho-grafiýa üçin uly adamlara 25 – 30 ml kontrast gerek bolýar. Soňky döwürlerde ýoduň ýagdaky ergininden başga-da, aýratyn hem çaga-larda suwdaky ergini, ýagny jeladon diýen serişde köp ulanylýar. Ol serişde öýkeniň öýjüklerine (alweolalara) ýetmän gana sorulýar.
Tomografiýa usuly tomograf guralynyň kömegi bilen öýken birnäçe gatlaklara bölünýär we şol gatlaklaryň gurluşy kesgide öwre-nilýär. Tomografiýa usulyny ýerine ýetirmek üçin, öňürti hökmany su-ratda iki halatda ýönekeý rentgenografiýa edilýär. Şony edeniňden soň, haýsy öýkeniň nähili gatlaklara bölünmelidigi takyklanylýar. Şonda synanyň ortasyndan bir ädim öňi bilen yzy surata düşürilýär. Ortadan edilen tomografiýada, gapyrganyň şekili surata düşenok. Öňden edilende öňki, yzdan edilende yzky gapyrgalaryň galyndysy düşýär, şolara görä, tomogrammalaryň haýsy çuňlukda edilendigi kesgitlenilýär.
Jennet KAKAMYRADOWA
Myrat Garryýew adyndaky
Türkmenistanyň Döwlet lukmançylyk
uniwersitetiniň Nerw keselleri we neýrohirurgiýa
kafedrasynyň assistenti
