1982-nji ýyldan bäri, internet tory üçin esas bolup durýan SATNET-iň hemra ulgamynda ýerleşdirilenden bäri işleýär. IPv4 henizem internetdäki esasy protokol (teswirnama) bolup durýär. IPv4 takmynan 4,3 milliard internet salgysyny döretmek mümkinçiligini üpjün edýär. Köpçülik we hususy torlardaky TCP / IP protokolyny ulanýan her bir enjamyň IP salgysy bardyr. Bu bolsa enjamy tanamaga we ýerleşýän ýerini kesgitlemäge niýetlenendir. 1990-njy ýyllarda internet ulanyjylaryň çalt ösmegi netijesinde, ähli ulanyjylary birikdirmek üçin IPv4 -iň üpjünçiligindäki bar bolan salgydan, has köp salgynyň zerur boljakdygy belli boldy.
Protokolyň dördünji tapgyry 32 bitli salgylardan düzülen. Bu salgy 4 bölekden ybarat bolup, olaryň her biri nokat bilen bölünýär. Mysal üçin: 100.101.102.103. Her bölümiň çägi 0-255 san aralygydyr. IPv4 salgylary IP adresleriniň diapazony esasynda dürli klaslara bölünendir.
Internet protokolynyň 4-nji tapgyrda MAC salgylaryny kesgitlemek üçin ARP ulanýar, IPv6 bolsa NDP ulanýar. IPv4 el bilen sazlamalary we DHCP adres sazlamalaryny goldaýar, IPv6 awtomatiki salgy sazlamalary esasynda salgylary üýtgedýär.
Akjagül MYRATNYÝAZOWA
Türkmenistanyň Telekommunikasiýalar
we Informatika institutynyň talyby
