Techno-NDT kompaniýasy geodeziki işler üçin aýlanýan lazer niwelirlerini hödürleýär. Aýlanýan lazer niwelirleri gurnamak we ölçemek işleri üçin giňden ulanylýan ýöriteleşdirilen geodeziki enjamdyr. 15 – 20 ýyl ozal geodeziki gurallar ýerüsti nokatlaryň biri-birine baglylygyny kesgitleýän ýörite optiki enjamlar bolan bolsa, indi tehnologiýa has özgerdi. Häzirki wagtda iň meşhur geodeziki gurallaryň biri – lazer niweliridir.
Lazer niwelirini saýlamazdan ozal, ony näme maksat bilen ulanmalydygyna takyk we anyk bilmeli. Häzirki wagtda lazer niweliri dürli gurluşyk we gurnama işleri üçin iň gowy kömekçidir. Lazer niwelirinde aýlanýan prizma görnüşindäki şöhlesi bar we 300 – 1000 metre çenli aralykda lazer çyzyklaryny gurmaga mümkinçilik berýär. Lazer niweliriniň takyklygy gaty ýokary we onuň ýalňyşlygy 10 metrde 2 mm-den geçmeýär.
Lazer niweliriniň gurluşy örän çylşyrymly. Şeýlelik bilen, magnit kompensatoryny ulanyp, aýlanýan lazer niwelirini awtomatiki usulda gerek bolan ýagdaýda gurnalýar we desgalaryň içinde niwelirlemek işlerini ýerine ýetirmäge mümkinçilik berýär. Adaty lazer niwelirlerinden tapawutlylykda, aýlanýan lazer niweliri ýapgyt tekizlikde hem ulanylyp bilner. Lazer şöhlesini açyk ýagtylykda görmek üçin ýörite howpsuzlyk äýnegini dakynmak ýeterlikdir. Aýlanýan lazer niwelirini lazer detektory bilen bilelikde ulanmak has oňaýlydyr. Bu geodeziki işleriň iň ýokary takyklygyny üpjün etmäge ýardam edýär.
Nowruz PIRNEPESOW
Ýagşygeldi Kakaýew adyndaky
Halkara nebit we gaz uniwersitetiniň talyby
