Zehin – bu ukyplaryň heniz ösmedik, emma işleriň ilkinji synaglarynda duýulýan tebigy esaslarydyr.
Meýillilikler – bu täzeden döreýän ukybyň ilkinji we has irki alamatydyr.
Rus psihologiýa ylmynda, esasan hem, S.L.Rubinşteýniň we B.M.Teplowyň işlerinde “ukyplar”, “zehinler” we “talant” düşünjelerini klassifikasiýa salmak synanyşyklary bar. Olaryň pikirlerini bir ýere jemläp aýtsak, zehinlilik işiň üstünligi nukdaý nazaryndan yzarlanylýar.
“Ukyplar” indiwidiň indiwidual – psihologik başarnyklary, ýagny bir adamy beýlekilerden tapawutlandyrmak başarnyklary diýlip düşündirilýär. Şol ukyplaryň netijesinde bolsa, işiň üstünlikleri şertlendirilýär.
“Zehinlilik” – bu ukyplaryň hil taýdan özboluşly utgaşmasy (indiwidual-psihologik utgaşma) diýlip düşündirilýär, işiň üstünligi, köp babatda, şoňa bagly bolup durýar.
Käbir ýagdaýlarda ukyplary dogabitdi, ýagny tebigy hasap edýärler. Emma, ylmy derňewleriň görkezişi ýaly, diňe meýiller dogabitdi bolup bilerler. Ukyplar bolsa, diňe meýilleriň ösmegi netijesinde ýüze çykarylýar.
Meýiller – bedeniň dogabitdi anatomo-fiziologik aýratynlyklarydyr. Ilkinji nobatda olara kelle beýnisiniň, duýgy we hereket organlarynyň gurluş aýratynlyklary, nerw ulgamyna degişli alamatlar degişlidir.
Kristina SEMENOWA,
Döwletmämmet Azady adyndaky
Türkmen milli dünýä dilleri institutynyň talyby
