Çernogoriýada BMGÖM-iň Aral deňzi bilen bagly taslamasynyň çäginde ýaşlar syýasaty babatynda hyzmatdaşlyk boýunça sebitleýin mejlis bolup geçdi. Bu çärä Türkmenistandan meýletinçi Kasym Jumaýew gatnaşdy. Bu barada «Altyn asyr» elektron gazeti 15-nji iýulda habar berdi.
Habarda bellenilişi ýaly, mejlis «Nesilleriň baglanyşygy: ýaşlaryň hukuklaryny we mümkinçiliklerini artdyrmak we geljege gatnaşdyrmak» şygary astynda geçdi. Ol Ýewropadan we Merkezi Aziýadan ýaş ýolbaşçylary bir ýere jemledi.
Mejlise gatnaşanlar üç günüň dowamynda bilimlerini paýlaşdylar we dünýädäki ýaşlar guramalarynyň arasynda hyzmatdaşlygy ýola goýmak bilen bagly işleri maslahatlaşdylar. Maksatnama jebis gatnaşyklary we özara hyzmatdaşlygy ýola goýmak üçin zerur bilim, gurallar, ulgamlar bilen üpjün etmek arkaly ýaşlaryň mümkinçiliklerini artdyrmaga gönükdirilendir.
