THE ASHGABAT TIMES

BOMKA-10 Sebitleýin Seminar: Weterinariýa Gözegçiligi üçin Täsirli Töwekgelçilik Dolandyryşynyň Integrasiýasy

05.12.2024

2024-nji ýylyň 3-5-nji dekabry aralygynda Aşgabat şäherindäki “Arçabil” myhmanhanasynda weterinariýa gözegçilik prosesine töwekgelçilik dolandyryşynyň integrasiýasy boýunça Sebitleýin seminar geçirilýär. Çäräni Türkmenistanyň Oba hojalyk ministrliginiň Döwlet weterinariýa gullugy bilen hyzmatdaşlykda BOMKA-10 Programmasy gurnady.

1dx 3181 THE ASHGABAT TIMES

Türkmenistanyň Oba hojalyk ministrliginiň Döwlet weterinariýa gullugynyň halkara we ylmy gatnaşyklar bölüminiň müdiri Arslan Soltanmyradow sebitleýin seminara gatnaşyjylara gutlag sözleri bilen çykyş etdi. Ol çykyşynda weterinariýa ulgamynda häzirki zaman töwekgelçilik dolandyryş usullarynyň ornaşdyrylmagynyň ähmiýetini nygtap, täsirli töwekgelçilik dolandyryşynyň azyk howpsuzlygyny we haýwanlaryň saglygyny üpjün etmek, şeýle hem halkara söwdany ýeňilleşdirmek üçin möhüm faktor bolup durýandygyny belledi.

Seminar, milli kanunçylyga töwekgelçilik dolandyryş ýörelgelerini integrirlemek üçin jogapkär Merkezi Aziýa ýurtlarynyň öňdebaryjy hünärmenlerini, şeýle hem eksport-import amallarynda we haýwanlardan alnan önümleriň sertifikasiýasynda weterinariýa gözegçiligi bilen meşgullanýan halkara bilermenlerini jemledi.

Çäräniň dowamynda halkara tejribe alyş-çalşygy aýratyn üns berildi. Ýewropa Bileleşiginiň bilermenleri hökmünde çykyş edenler:

  • Maris Dominiş, BOMKA-10 programmasynyň sebitleýin ýolbaşçysy;
  • Hanym Iveta Zemniýeçe, Latwiýanyň Azyk-weterinariýa gullugynyň Serhet gözegçilik bölüminiň direktor orunbasary;
  • Jenap Eduards Bakaseýew, Latwiýanyň Azyk-weterinariýa gullugynyň Daugavpilsdäki Serhet gözegçilik bölüminiň müdiri.

Seminaryň esasy wezipeleri şulardan ybarat boldy:

  • Weterinariýa töwekgelçiliklerini dolandyrmak, töwekgelçilikleri bahalandyrmak we profilirlemek boýunça hyzmatdaşlyk babatynda halkara tejribe alyş-çalşygy;
  • Milli ygtyýarly edaralara töwekgelçilikleriň derňewine esaslanýan import gözegçiligi üçin aýratyn gözegçilik meýilnamalaryny işläp düzmekde goldaw bermek.

Çärä gatnaşyjylar weterinariýa gözegçiligi babatynda sebitleýin we halkara hyzmatdaşlygy pugtalandyrmaga mümkinçilik beren çäräniň ýokary amaly ähmiýetini bellediler. Sebitleýin seminar Merkezi Aziýa ýurtlarynda töwekgelçilik dolandyryş usullarynyň utgaşdyrylmagy ugrunda möhüm ädim boldy.

Leave a Reply

Your email address will not be published.

loader-image
Ashgabat
2:02 pm, Jan 18, 2025
temperature icon 8°C
переменная облачность
Humidity 71 %
Pressure 1022 mb
Wind 9 mph
Wind Gust Wind Gust: 0 mph
Clouds Clouds: 40%
Visibility Visibility: 0 km
Sunrise Sunrise: 8:19 am
Sunset Sunset: 6:13 pm
predstaviteli turkmenistana i rumynii THE ASHGABAT TIMES
Öňki taryh

Türkmenistan we Rumyniýa uniwersitetara hyzmatdaşlygy ara alyp maslahatlaşdylar

ec2fb116ba50d064b193fb227c2c146b 8971826 500x281 8 THE ASHGABAT TIMES
Next Story

Watan habarlary 05.12.2024

Soňkylar Habar

Aşgabat owgan halkyna goldaw bermegini dowam eder

15.01.2025
Türkmenistan, bitarap döwlet hökmünde, Owganystanda parahatçylyga we raýat ylalaşygyna, ykdysady infrastruktura dikeltmäge we sosial meseleleri çözmäge gönükdirilen tagallalary goldaýar we bu ýurda kömek bermegini

Sanlaşdyrylan  ösüşler

13.01.2025
       Ýurdumyzda her ýyl ösüşler öz ornuny tapýar. Bu ýyl hem “Halkara Parahatçylyk hem-de ynanyşmak ýylynda” milli ykdysadyýetimiziň altyn hazynasy bolan nebit we gaz
GitTop