Hytaý soňky 10 ýylyň dowamynda Täjigistanyň ykdysadyýetiniň ösüşine 2,6 milliard dollar maýa goýdy. Bu mukdaryň 57%-i göni maýa goýumlary düzýär. Bu barada Täjigistanyň Döwlet maýa goýumlary we döwlet emlägini dolandyrmak baradaky komitetiniň başlygynyň birinji orunbasary Farruh Ýusufzoda Avesta neşirine aýtdy.
Syýasatçy bu tema barada hytaý maýa goýum-senagat kompaniýalarynyň wekilleriniň gatnaşmagynda geçirilen sammitde çykyş etdi. Onuň sözlerine görä, häzirki wagtda Täjigistanyň häkimiýetleri maýa goýum klimatyny gowulandyrmaga we administratiw proseduralary ýönekeýleşdirmäge ünsi jemleýärler.
Ýusufzodanyň bellemegine görä, “Maýa goýumlar hakyndaky” kanun esasynda daşary ýurtly maýa goýujylara kanuny kepillikler, şol sanda girdejileri daşary ýurt pulunda ýurduň daşyna geçirmek hukugy berilýär. Şeýle hem syýasatçy respublikanyň gidroenergetiki serişdeleri paýlamaga we döwrebap tehnologiýalary ýurda çekmäge aýratyn üns berýändigini belledi.
