Er-Riýadda geçirilen One Water sammitiniň çäklerinde Gazagystanyň lideri Kasym-Žomart Tokaýew bilen onuň fransuz kärdeşi Emmanuel Makron duşuşdy. Bu barada Gazagystanyň Prezidentiniň metbugat gullugy habar berýär.
Gazagystanyň Prezidenti özüniň Fransiýa eden soňky saparynyň ähmiýetini belläp, gazak-fransuz gatnaşyklarynyň strategiki hyzmatdaşlyk derejesine çykarylmagy barada gazanylan ylalaşyklaryň ähmiýetini nygtady. Ol gepleşikleriň netijelerini we gol çekilen ylalaşyklary ykdysady hyzmatdaşlygy pugtalandyrmak we ikitaraplaýyn gatnaşyklary ösdürmek ugrunda möhüm ädim diýip atlandyrdy. Bilelikdäki taslamalaryň durmuşa geçirilmeginiň ilkinji netijeleri birnäçe hepdäniň içinde bellendi.
Emmanuel Makron ýurtlaryň arasyndaky gatnaşyklaryň çalt ösýändigini belläp, howanyň üýtgemegi we “ýaşyl” ykdysadyýet ýaly ugurlarda hyzmatdaşlygyň ähmiýetine ünsi çekdi.
Şeýle hem taraplar sebitleýin we halkara gün tertibiniň möhüm meseleleri boýunça pikir alyşdylar.
