Türkmenistanyň Döwlet Energetika Institutynda (TDEI) daşky gurşawy goramak üçin durnukly energiýa boýunça halkara tejribäni öwrenmek boýunça konferensiýa geçirildi.
Çäräniň çäklerinde “Ýaşyl” energiýanyň sebit tejribeleri”, “Gaýtadan dikeldilýän energiýa çeşmeleri: mümkinçilikler we meseleler”, “Wodorod – geljegiň ýangyjy”, “Howanyň üýtgemegi we energiýa”, “Gün ýylylyk ulgamlary” ýaly temalar boýunça çykyşlar boldy.
Gatnaşyjylar gurluşykda energiýa tygşytlaýjy tehnologiýalary ornaşdyrmagyň şertlerini we mümkinçiliklerini, gurulýan we gurulmagy meýilleşdirilýän binalara “ýaşyl” şahadatnama bermek mümkinçiliklerini ara alyp maslahatlaşdylar.
Mundan başga-da, halkara bilermenler TDEI mugallymlary we talyplary üçin “Merkezi Aziýada durnukly energiýa baglanyşygy” mowzugy boýunça okuw seminary geçirdiler, onuň netijesinde gatnaşyjylara şahadatnamalar gowşuryldy.
