Köp sanly süýdemdirijiler, şeýle hem käbir guş görnüşleri alada duýup bilerler. Bu bolsa adamlaryňky bilen meňzeş ýagdaýda bolýar. Alymlar haýwanlarda duýgulary işlemek üçin hem amygdala jogap berýär diýip tapdylar.
Haýwanlaryň özüni alyp barşy boýunça hünärmenler we weterinarlar haýwanlaryň hakykatdanam psihiki bozulmalardan ejir çekip biljekdigini aýdýarlar. Emma bu adamlaryňky ýaly däl-de, başgaça ýüze çykyp biler. Mysal üçin, umumylaşdyrylan alada bozulmasy haýwanlarda diňe daşky alamatlar boýunça kesgitlenýär. Bu titreme, çalt dem alyş, destruktiv özüni alyp barş.
Şol bir wagtyň özünde, meselem, şizofreniýa diňe adamlara mahsusdyr. Haýwanlarda beýle keseliň ýokdugy ýaly, ekzistensial gorky, sosial ýagdaýlarda ynamsyzlyk ýa-da uzak möhletli meýilleşdiriş bilen baglanyşykly çuňňur kliniki depressiýa ýaly hadysalar hem olara mahsus däldir.
Haýwanyň psihiki bozulmasy dürli görnüşde ýüze çykyp biler. Bu, meselem, mejbury hereketler, otagda manysyz ylgamak, ýüňüni ýalaýmak, zatlara ýa-da beýleki haýwanlara garşy agressiýa, titreme bolup biler. Şikeslendiriji wakalar hem haýwanlarda posttravmatiki stres bozulmasyna sebäp bolup biler.
