Döwletjan Ýagşymyradow. Merkezi Aziýa boýunça hünärmen, žurnalist Derya Soysal bilen geçiren söhbetdeşliginde, Türkmenistanyň, halkynyň we watanynynyň adyndan wekilçilik etmek gaty buýsançlydygyny aýtdy.
Döwletjan Ýagşymyradow 1989-njy ýylyň 22-nji maýynda Türkmenabatda doglan. Ol häzirki wagtda Professional Fighters League-iň ýeňil agyr agram bölüminde bäsleşýän we şol bölümde çempion bolan türkmen garyşyk söweş sungaty ussady. Şeýle hem, ol Bellator MMA-da (2020-2023) we Absolute Championship Akhmat-da (ACA) bäsleşip, ACA ýeňil agyr agram çempiony boldy.
Ýagşymyradow alty ýaşyndaka karate sapaklaryna ýazylýar we birnäçe ýyllyk türgenleşikden soň, 11 ýaşdan kiçi çempionlygyny we milli derejedäki ýaryşda altyn medal gazanýar. Soňra ol kikboksing bilen meşgullanyp başlaýar we harby gullukdan soň, Harkowda ýokary bilim alýar.
2024-nji ýylyň noýabrynda, Saud Arabystanynyň Er-Riýad şäherinde geçirilen Professional Fighters League-iň final tutluşygynda amerikan Impa Kasangana bilen duşuşyp, ýeňiş gazanyp, çempion boldy.
Söhbetdeşliginde, watany Türkmenistany halkara ýaryşlarda we halkara derejede wekilçilik etmegiň iň buýsançly üstünlikleriniň biri bolandygyny aýtdy.
Derya Soysal
