Russiýa ýa-da Belarusda bolmak üçin wiza alan Türkmenistanyň raýatlary, bu iki ýurduň serhedini resmi taýdan bellenen geçelgeler arkaly geçip bilerler.
2025-nji ýylyň 11-nji ýanwaryndan başlap, Russiýa we Belarusyň wizalary özara ykrar etmek baradaky 2020-nji ýylyň iýun aýynda gol çekilen ylalaşygy güýje girdi. Şertnama, ýokarda agzalan ýurtlaryň birinden wiza alan daşary ýurt raýatlaryna goşmaça wiza almaga zerurlyk bolmazdan, olaryň arasyndaky serhedi erkin geçmäge mümkinçilik berýär. Halkara howa menzilleri we demir ýol stansiýalaryndan başga-da, ýörite awtoulag ugurlary hem kesgitlenildi.
Şeýle-de bolsa, taraplaryň her biri, islendik daşary ýurt raýatynyň ýa-da raýatsyz adamyň öz çägine girmegini ret etmek ýa-da bolmak möhletini gysgaltmak, olaryň girip-çykmak, tranzit ýa-da bolmak düzgünlerine laýyklygyny barlamak hukugyny özünde saklaýar.
