Diabetiki polineýropatiýa – süýji keseliniň nerw ulgamyna ýetirýän uzak möhletleýin täsiriniň netijesinde döräp, esasan, periferiki nerwleri zaýalaýan keseldir. Bu kesel nerw öýjükleriniň kandaky glýukoza derejesiniň ýokary bolmagy sebäpli zaýalanmagy netijesinde ýüze çykýar.
Keseliň alamatlary esasan aýaklardan başlap, soňra elleri hem öz içine alýar. Alamatlara aýak-ellere duýujylygyň peselmegi, ysmazlyk, baranýan ýerleri duýmazlyk, güýçli agyry, gijilewük we myşsa gowşaklygy girýär.
Diabetiki polineýropatiýa irki bejergi almasa, aýaklarda ýaralaryň we hatda gan grenanyň döremegine sebäp bolup biler.
Bejergi esasan gan şekeri derejesini kadalaşdyrmak, witamin terapiýasy (B12 we B1 witaminleri), nerw gorag dermanlary we fizioterapiýa bilen geçirilýär. Keseliň irki tapgyrynda bejergi başlan bolsa, nerwleriň zaýalanmagyny haýallatmak we keseliň agyrlaşmagynyň öňüni almak mümkindir.
Aýna ANNAORAZOWA
Myrat Garryýew adyndaky Türkmenistanyň Döwlet lukmançylyk
uniwersitetiniň Nerw keselleri we neýrohirurgiýa
kafedrasynyň assistenti
