New York Times gazetiniň habaryna görä, Donald Trampyň administrasiýasy amerikanlaryň Hytaýyň DeepSeek atly chatbotyna girmegini gadagan etmek mümkinçiligini göz öňünde tutýar.
Häkimiýetler Hytaý kompaniýasynyň amerikan tehnologiýalaryny, hususan-da Nvidia emeli intellekt çiplerini satyn almagyny gadagan etmegi hem göz öňünde tutýarlar. Bu ädimler ABŞ-nyň hökümetiniň Hytaýyň emeli intellekt tehnologiýalary boýunça ösüşinden yza galmak aladalary bilen baglanyşykly bolup, bu ýagdaý milli howpsuzlyk we geopolitika üçin möhüm täsirleri döredip biler diýlip bellenilýär.
Mundan başga-da, ABŞ DeepSeek kompaniýasynyň amerikan çiplerini satyn almak boýunça bar bolan çäklendirmeleri bozup-bozmandygyny anyklamaga çalyşýar. Synçylaryň bellemegine görä, amerikanlaryň DeepSeek-e girmegini çäklendirmek we amerikan tehnologiýalarynyň satylmagynyň öňüni almak bilen, ABŞ hökümeti Hytaýyň emeli intellekt boýunça ösüşinden gelip çykýan howpy ýok etmek isleýär.
