2025-nji ýylyň 23-nji aprelinde Gruziýa saparynyň çäklerinde Türkmenistanyň Mejlisiniň wekiliýetiniň agzalarynyň bu ýurduň Daşary işler ministrliginde ministriň orunbasary A.Hwtisiaşwiliniň bilen duşuşygy geçirildi. Duşuşygyň barşynda taraplar Türkmenistan bilen Gruziýanyň arasyndaky hyzmatdaşlygyň häzirki ýagdaýyny hem-de mümkinçiliklerini ara alyp maslahatlaşdylar. Hususan-da, syýasy-diplomatik, söwda-ykdysady, medeni-ynsanperwer, şeýle hem halkara guramalaryň çäklerindäki özara gatnaşyklara aýratyn üns berildi. BMG-niň Baş Assambleýasy tarapyndan «2025-nji ýyl – Halkara parahatçylyk we ynanyşmak ýyly» hem-de «Türkmenistanyň hemişelik Bitaraplygy» atly Kararnamalarynyň kabul edilmeginde Gruziýanyň beren goldawyna Türkmenistan uly baha berýändigi bellenildi. Ikitaraplaýyn gatnaşyklaryň toplumlaýyn we yzygiderli ösmeginiň berk binýady hökmünde çykyş edýän ýokary derejedäki saparlaryň orny aýratyn nygtaldy. Duşuşygyň dowamynda ýurtlaryň arasynda özara düşünişmekligi we ynamy, döredijilikli hyzmatdaşlygy alyp barmakda wajyp gurallarynyň biri bolup durýan parlamentara gatnaşyklarynyň mümkinçiliklerine hem seredilip geçildi. Şu nukdaýnazardan parlamentara dostluk toparlarynyň işiniň ähmiýetine aýratyn üns berildi. Duşuşygyň ahyrynda taraplar köpugurly hyzmatdaşlygyň işjeňleşmegine gyzyklanma bildirdiler.
GRUZIÝANYŇ DAŞARY IŞLER MINISTRLIGINDE TÜRKMENISTANYŇ MEJLISINIŇ WEKILIÝETI BILEN DUŞUŞYK GEÇIRILDI
Soňkylar Habar
UNFPA we milli hyzmatdaşlar adatdan daşary ýagdaýlarda reproduktiw saglygyny üpjün etmek boýunça seminar geçirdiler
Aşgabat, 2026-njy ýylyň 23-nji ýanwary – 2026-njy ýylyň 21-23-nji ýanwary aralygynda Birleşen Milletler Guramasynyň Ilat Gaznasynyň (UNFPA) Türkmenistandaky Wekilhanasy we milli hyzmatdaşlar reproduktiw saglygy
Merkezi Aziýa we Mongoliýa ilçileri Brýusselde möhüm duşuşyk geçirdi
Brýussel — Merkezi Aziýa ýurtlarynyň we Mongoliýanyň ilçileri Belgiýanyň Wekiller Palatasynyň Başlygy Piter De Roower bilen ýokary derejeli duşuşyk geçirdiler. Duşuşyk sebitdäki jebisligiň we
ABŞ-nyň Ýörite wekili Serjio Gor we DIM-niň ýolbaşçysy Raşid Meredow duşuşdy
Amerikanyň Birleşen Ştatlarynyň Günorta we Merkezi Aziýa boýunça Ýörite wekili Serjio Gor Türkmenistana edýän saparynyň çäklerinde Türkmenistanyň Daşary işler ministri Raşid Meredow bilen duşuşyk
Aşgabatda hindi filmleriniň festiwaly dowam edýär
20-nji ýanwarda «Aşgabat» kinoteatrynda badalga alan hindi filmleriniň festiwaly Hindistan Respublikasynyň Türkmenistandaky ilçihanasy, ýurdumyzyň Medeniýet ministrligi hem-de dostlukly döwletiň Maglumatlar we teleradioýaýlymlar ministrligi tarapyndan guralýar.
Aýurweda okuw otagy açyldy
21-nji ýanwarda Myrat Garryýew adyndaky Türkmenistanyň Döwlet lukmançylyk uniwersitetinde Aýurweda okuw otagynyň açylyş dabarasy boldy. Oňa Hindistan Respublikasynyň Daşary işler ministrliginiň Günbatar işleri boýunça
