Hormatly Prezidentimiziň ýolbaşçylygynda Berkarar döwletiň täze eýýamynyň Galkynyşy döwrinde ýurdumyz ykdysady, syýasy we medeni taýdan uly ösüşler bilen öňe barýar. Gazanylýan üstünlekleri has-da berkitmekde jemgyýetçilik aňynyň kämilleşip, halkyň durmuş hakykatyna bolan garaýyşlaryny ösdürmek wezipesi bu günki günüň çykaran baş maksady bolup durýar. Döwlet bilen jemgyýetiň sazlaşykly ösüşini mundan beýläk-de berkitmekde, ýurdumyzda bolup geçýän özgertmeleri, täzelikleri baý çeperçilik mazmun bilen bezäp, halk köpçüligine ýurdumyzda amala aşyrmaly maksatly işlere ugrukdyrýan eserler täze döwrüň sahnasyna çykmaly.
Publisistik edebiýatynyň öňünde hem gündelik wakalaryň töwereginde jemgyýetçilik pikirini kemala getirmek wezipesi durýar.Bu ugurda publisistikanyňiň bir işjeň žanry bolup çykyş edýändigini göz öňünde tutýarys.Türkmenistan Garaşsyzlygyny gazanyp, hemişelik Bitaraplyk hukugyna eýe bolanyndan soň, ýurduň syýasy, medeni, ykdysady durmuşynda täze döwür başlandy.Döwleti dolandyrmagyň milli ýoly saýlanyp alyndy.Bu jemgyýetçilik özgertmeleriniň many-mazmuny, ýurdy dolandyrmakdaky ähmiýetli ugurlary bilen halk köpçüligini tanyşdyrmak zerurlygy kanuny ýagdaý bolup durýardy. Döwletiň mundan beýýläki ýöretjek içeri we daşary syýasatyny halkyň goldamagy, ykrar etmegi hökmany şertleriň biridi.Jemgyýetiň durmuşyndaky özgertmeleriň amala aşmagynda halk esasy daýançdyr.Döwletiň ýöredýän syýasatyny wagyz etmekde habar beriş serişdeleri döwlet bilen halkyň arasyndaky köpri bolup durýar.
Ýurdumyz garaşsyzlygyny gazanyp, bitaraplyk hukugyna eýe bolanyndan soň, milli metbugatymyz türkmen durmuşynyň hakykat aýnasyna öwrüldi. Ýurtdaky syýasy-jemgyýetçilik wakalary wagyz etmekde, döwletiň kanunçylygyny halka düşündirmekde publisistika işjeň žanra öwrüldi.
Ýurduň HBS-niň üsti bilen çykyş edýän çeper publisistikanyň mazmunynda täze döwrüň ruhy, syýasy-medeni keşbi şöhlelenip başlady. Döwletiň ýöredýän bitaraplyk syýasatynyň düyp manysyny halk köpçüligine ýetirmekde hem publisistika metbugatyň. Teleýaýlymyň we radionyň üsti bilen çykyş edip, jemgyýetçilik pikirini döredýän wajyp gurala öwrüldi.
Gahryman Arkadagymyzyň tagallasy bilen Magtymguly adyndakyTürkmen döwlet uniwersitetinde weTürkmenistanyň Daşary işler ministrliginiň Halkara gatnaşyklary institutynda şeýle hem, Halkara ynsanperwer ylymlary we ösüş uniwersitetinde žurnalistika hünäri açyldy. Žurnalistika hünäri boýunça bilim alýan talyp ýaşlarymyzy hünäre ugrukdyrmak, žurnalistika hünäriniň özboluşlylygy we aýratynlyklary, şeýle hem beýleki hünärler bilen baglanyşygy barada döwre laýyk düşünje bermek mugallymlaryň esasy wezipesi bolup durýar. Žurnalistika hünärine baş goşýan adam wakalaryň jümmüşinde bolmaga, iň täze habarlary, wakalary ilki bilen bilmäge höwesli bolýarlar.
Žurnalistiň hünäriiň birhereketli, gyzykly we döredijilikli hünärleriň biri bolup durýar. Belli rus syýasysynçysy, žurnalist Ý.Golowanyň aýtmagyna görä, žurnalistleriň ýalňyşlyga hukugy ýokdur, olar ýazan her harpy üçin okyjylaryň öňünde uly jogapkärçilik çekýärler. Žurnalist nähili kynçylyk bolsa-da, habary ýa-da makalany öz möhletinde tabşyrmalydyr. Olar ýol söküp, döredijilik saparlaryna gitmeli bolýarlar. Žurnalistik wezipe diňe öz işine berlen, teklipçil, hyjuwly, çydamly, zähmetsöýer we jogapkärçiligi duýýan döredijilik adamlaryny kabul edýär.
Leýla JUMALIÝEWA
Türkmenistanyň Telekommunikasiýalar we informatika
institutynyň talyby
