Aşgabatda täsin medeni hyzmatdaşlyk durmuşa geçirilýär – türkmen däp-dessurlary häzirki zaman Ýewropa koreografiýasy we sanly sungat bilen birleşýär.
10-njy maýda Mukam Köşgi teatrynda dünýä premýerasy geçirilýär. Fransuz koreografy Jean-Marc Matos, italýan tansçy we koreograf Margherita Bergamo, Türkmenistanyň Döwlet Tans Ansambli we Döwlet Tans Ansambli “Mengli” sahnada bilelikde çykyş edýärler.
Bu täze tans şüweleňi dünýäniň dürli künjeklerinde däp bolan tanslaryň hereketlerinden ylham alyp, häzirki zaman tansy we interaktiw sanly enjamlar bilen birleşdirýär. Çykyş türkmeniň gadymy Küşdepdi tansyna hormat hökmünde taýýarlanyp, sahnada türkmen medeniýetiniň ajaýyp öwüşginini berýär.
Çäräniň ilkinji bölüminde Balkan sebitinden Akjayar Folklor Ansambli tarapyndan däp bolan Kuşdepdi ýerine ýetirilýär.
Ýewropa Medeniýet Mekanlary taslamasynyň çäginde guralýan bu sungat çäresi Ýewropa Bileleşiginiň strategik medeni hyzmatdaşlyk maksadyna laýyklykda EUNIC (Ýewropa Bileleşiginiň Milli Medeniýet Institutlary), Ýewropa Komissiýasy we Ýewropa Daşary Işler Gullugy bilen bilelikde durmuşa geçirilýär.
Bu täze medeni taslama Türkmenistandaky Fransiýa instituty tarapyndan guralýar. Şeýle hem bu bilelikde Türkmenistanyň Medeniýet ministrligi, Ýewropa Bileleşiginiň Türkmenistandaky wekiliýeti, Fransiýa ilçihanasy, Italiýa ilçihanasy we Gazagystandaky Goethe instituty gatnaşýar.
Taslama EUNIC, Fransuz-Nemes Medeniýet Gaznasy we Pariždäki Fransiýa instituty tarapyndan goldanýar.
Bu ajaýyp sungat wakasyna siz hem gatnaşyp bilersiňiz!
Giriş mugt
Şenbe, 10-njy maý 2025, 19:00
Mukam Köşgi teatry, Arçabil şaýoly
