Borowik 2026-njy ýylyň Aziýa Kubogy üçin saýlama ýaryşa milli ýygyndyny taýýarlamaga başlar. Geçirilen bije çekişligiň netijesinde, türkmen futbolçy zenanlar “C” toparynda Mýanma, Bahreýn we Bangladeş bilen bäsleşerler. Toparlaýyn duşuşyklaryň ählisi Mýanmanyň çäginde geçiriler.
Saýlama ýaryş şu ýylyň 23-nji iýunyndan 5-nji iýul aralygynda meýilleşdirilýär. 2026-njy ýylyň 1-nji martyndan 26-njy marta çenli Awstraliýada geçiriljek Aziýa Kubogynyň final tapgyryna toparlaýyn ýaryşyň ýeňijileri gatnaşar.
Borowik bu wezipede 2019-njy ýyldan bäri ýygyndyny dolandyran Kamil Mingazowyň ornuny aldy. Mingazowyň ýolbaşçylygynda Türkmenistanyň zenan futbol ýygyndysy taryhynda ilkinji gezek CAFA-2022 çempionatynda çykyş etdi we 2022-nji ýylyň awgustynda FIFA-nyň resmi reýtingine girmegi başardy.
