Ýaramaz endiklerden ýüz öwürmek, gadymdan bäri beden we ruhy taýdan sagdynlyga aýratyn ähmiýet beren ata-babalarymyzyň şöhratly däplerini dowam etmek, häzirki türkmen jemgyýetinde sagdyn durmuş ýörelgeleriniň esasy ugurlaryny berkarar etmek köpçülikleýin bedenterbiýe-sagaldyş hereketini we sporty ösdürmek boýunça ýurdumyzda alnyp barylýan giň gerimli işleriň aýrylmaz bölegidir.
Ýurdumyzda sagdyn durmuş ýörelgeleriniň berkarar edilmeginiň, raýatlara edilýän lukmançylyk hyzmatlarynyň dünýä derejesine ýetirilmeginiň, ýaş nesilleriň milli ruhda terbiýelenmeginiň, saglyga zyýan ýetirýän ýaramaz endiklere garşy göreşilmeginiň, jemgyýetimiziň beden we ruhy taýdan sagdynlygynyň gazanylmagynyň döwlet syýasatynyň ileri tutulýan ugurlary bolup durýar.
Bütindünýä Saglygy Goraýyş Guramasynyň hünärmenleri temmäki önümlerinden ýüz öwürmeginiň peýdasynyň gysga wagtyň dowamynda duýulýandygyny nygtamak bilen, ony terk etmegiň jemi ýüzden gowrak sebäbini görkezýärler.
Häzirki wagtda ýurdumyz temmäkä garşy ählumumy hereketiň ençeme ugurlary boýunça öňdebaryjy hökmünde çykyş edýär hem-de dünýäde temmäkiden azat çäkleri giňeltmek boýunça işlere mynasyp goşandyny goşmaga çalşyp, temmäkiniň ulanylmagyna garşy işleri işjeň alyp barýar.
Şunuň bilen baglylykda, ilatyň temmäki önümleriniň ulanylmagynyň ýaramaz täsirlerine degişli habardarlygynyň ýokarlandyrylmagyna, häzirki we geljekki nesilleriň ömrüni we saglygyny goramaga, temmäkiniň ulanylmagyndan ýüze çykýan keselleriň öňüni almaga aýratyn üns berler.
Läle DOLYÝEWA
S.A.Nyýazow adyndaky Türkmen oba hojalyk
uniwersitetiniň talyby
