Gazagystanyň Akmola sebitinde täze et gaýtadan işleýän senagat toplumynyň gurluşygy meýilleşdirilýär. Bu uly taslamany Portugaliýanyň Agrocephalus LDA kompaniýasy maliýeleşdirmegi göz öňünde tutýar. Gazagystanyň Daşary işler ministrliginiň habaryna görä, taslama umumy bahasy 132 million ýewro ($151 million) bolup, ol Gazagystanyň «BigFarm» kompaniýasy bilen bilelikde we Ispaniýanyň kompaniýalarynyň gatnaşmagynda amala aşyrylar.
Bu et gaýtadan işleýän toplum Gazagystanyň azyk senagatyny ösdürmäge we eksport mümkinçiliklerini giňeltmäge ýardam berer. Önümçilik tehnologiki taýdan kämilleşdirilip, ýokary hil standartlaryny saklamak maksady bilen döwrebap enjamlar bilen enjamlaşdyrylar.
Taslamanyň haçan tamamlanjakdygy barada resmi maglumat berilmese-de, onuň sebitde täze iş orunlaryny döredip, ýerli ykdysadyýeti güýçlendirmegine garaşylýar.
