Dubaýda estonýaly darbaz iki gökdiräniň arasynda ýüpden ýöräp geçdi. Ýaan Ruz 18 ýaşyndan bäri ýüpüň üstünde ýöremek bilen meşgullanýar. Ol darbazda iki gezek yza salto eden ilkinji we ýeke-täk türgen.
Darbaz «Jumeirah Emirates Towers» binasynyň iki gökdiräniniň arasynda 224 metr belentlikde gerlen demir urgandan ýöräp geçdi. Waka görä, darbaz howada ýöräp barýan ýaly duýgy döretdi diýlip, habarda bellenýär.
Estoniýaly Ýaan Ruz dünýäde belentliklerde gerlen ýüpden ýöremek boýunça üç gezek dünýä çempiony boldy.
Ol öň Bosfor bogazynyň bir tarapyndan beýleki tarapyna ýüpde ýöräpdi. Demir urgany şol gezek Stambuldaky Şehitler köprüsiniň direg sütünleriniň arasynda 165 metr beýiklikde çekdiler. Bu aralygy geçmek üçin darbaza 47 minut gerek boldy.
