Mundan başga-da, dünýäde ýyllyk ortaça temperaturanyň önümçilikden öňki derejeden wagtlaýyn 1,5 dereje ýokarlanmagynyň ähtimallygy 80% . On ýyl mundan öňem nola deň bolan bu ähtimallyk howanyň çalt üýtgeýändigini görkezýär.
Bütindünýä Meteorologiýa Guramasynyň çaklamasyna görä, geljek bäş ýylyň biri howa gözegçilikleriň taryhynda iň yssy ýyl bolar. BMG-nyň ýöriteleşen edarasynyň hasabatynda ýakyn ýyllarda dünýäde ortaça temperaturanyň 2023-nji ýyldaky 14,98°C-den geçmeginiň 86% ähtimallygy bar diýilýär.
Şeýle hem, Bütindünýä Meteorologiýa Guramasy geljek bäş ýylyň her biriniň önümçilikden öňki döwürlere garanyňda 1,1-1,9 dereje yssy boljakdygyny, 2024-2028-nji ýyllar aralygyndaky döwürde, 2019-2023-nji ýyllara garanyňda, has maýyl boljakdygyny çaklaýar. Buzuň meýdanynyň kiçelmegi dowam etjek Arktikada howanyň temperaturasynyň ýokarlanmagy has-da göze ilýär.
Bütindünýä Meteorologiýa Guramasynyň Baş sekretarynyň orunbasary Ko Barrett çaklamalaryň dünýäde ortaça temperaturanyň ýokarlanmagyny 2 gradusdan aşakda saklamagy maksat edinýän Pariž klimat şertnamasynyň maksatlaryna ýetmekden dünýäniň has daşdadygyny görkezmek bilen, “darykdyryjy hakykaty” şöhlelendirýändigini nygtady.
