Seulyň 260 km günorta-gündogaryndaky Ýonil aýlagynda ýerleşýän bu ýatakda 14 milliard barrel töweregi nebit we gaz bolmagy mümkin. Deslapky çaklamalara görä, ätiýaçlygyň 75%-i gaz, 25%-i nebitdir. Gazyň mukdary Koreýanyň 29 ýylyna, nebitiň mukdary bolsa dört ýylyna ýeter.
Bu açyş energiýa zerurlyklarynyň, takmynan, 97–98%-ini import edýän Günorta Koreýa üçin möhüm bolup durýar. Ýurt köp wagt bäri öz suwlarynda geologiki gözleg işlerini alyp barýar we bu şowly açyşyň ilkinjisi däl.
1998-nji ýylda Günorta Koreýa Phohanyň golaýyndaky suwlardan 45 million barrellik gaz ýatagyny tapdy. Bu ýatagy ulanan 17 ýyllynyň dowamynda ýurt 1,4 trillion won (takmynan 1 milliard amerikan dollary) arassa girdeji aldy.
Günorta Koreýanyň Söwda, senagat we energetika ministrligi eýýäm täze ýatak üçin gözleg buraw meýilnamasyny tassyklady. 2025-nji ýylyň birinji ýarymyna çenli deslapky netijeleriň çykmagyna garaşylýar.
Günorta Koreýa Ýapon deňzinde uly nebit we gaz ýatagyny tapdy. Bu barada ýurduň prezidenti Ýun Sok Ýol mälim etdi diýip, Yonhap-a salgylanýan RBK habar berýär.
