Mälim bolşy ýaly, türkmen dokmaçylyk sungaty müňýyllyklaryň dowamynda nesilden-nesle geçip gelen baý milli mirasymyzyň möhüm bölegidir. Şunda «Turkmentextile Expo — 2025» atly halkara sergi-ýarmarkanyň geçirilmegi möhüm ähmiýete eýedir. Hormatly Prezidentimiziň belleýşi ýaly, bu sungat diňe bir gündelik egin-eşik ýa-da öý bezegi hökmünde däl, eýsem, halkymyzyň milli medeniýetiniň, sungatynyň özboluşly beýany hökmünde-de aýratyn ähmiýete eýedir.
Türkmenistanyň dokma önümleri dünýäde ekologik taýdan arassalygy, ýokary hillidigi we tebigy çig maldan taýýarlanýandygy bilen giň meşhurlyga eýedir. Kuwwatly önümçilik üpjünçilik ulgamlary we çig mal binýady bolan Türkmenistanyň dokma toplumy ýurdumyzyň ykdysadyýetinde öňdäki orunlaryň birini eýeleýär. Türkmen dokma önümleri häzirki wagtda onlarça ýurda eksport edilýär.
Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň hem-de hormatly Prezidentimiz Arkadagly Gahryman Serdarymyzyň tagallalary bilen dokma senagaty pudagynda alnyp barylýan giň möçberli özgertmeler halkymyzyň döredijilik ukybyny kämilleşdirip, milli önümlerimiziň dünýä derejesinde tanalmagyna şert döredýär. Türkmen dokma önümleri häzirki wagtda dünýäniň onlarça ýurduna eksport edilýär, olaryň ýokary hilli, ekologik taýdan arassa we milli ýörelgelere laýyk döredilendigi üçin dünýä bazarynda uly islegden peýdalanýar. Şeýle halkara sergiler bolsa diňe bir ykdysady üstünlikleriň däl, eýsem, halkyň medeni diplomatiýasynyň hem möhüm guralydyr.
Bereket ÖWEZGELDIÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň IV ýyl talyby.
